పరిశీలకుని కంటి నుండి చూసే వస్తువు బిందువుకు గీసిన రేఖను ‘దృష్టి రేఖ’ అంటారు. క్షితిజ సమాంతర రేఖకు ఎగువన ఉన్న వస్తువును తల ఎత్తి చూసినప్పుడు దృష్టిరేఖ క్షితిజరేఖతో చేసే కోణాన్ని ‘ఊర్ధ్వకోణం’ (Angle of Elevation) అంటారు.

క్షితిజ సమాంతర రేఖకు దిగువన ఉన్న వస్తువును తల దించి చూసినప్పుడు దృష్టిరేఖ క్షితిజరేఖతో చేసే కోణాన్ని ‘నిమ్నకోణం’ (Angle of Depression) అంటారు. సమాంతర రేఖల ధర్మం ప్రకారం నిమ్నకోణం ఎల్లప్పుడూ అడుగు బిందువు వద్ద ఏర్పడే ఊర్ధ్వకోణానికి సమానం.

ప్రశ్నలో పరిశీలకుని ఎత్తు (ఉదా: 1.5 మీ. లేదా 1.2 మీ.) ఇచ్చినప్పుడు, క్షితిజ సమాంతర రేఖ కంటి ఎత్తు నుండి మొదలవుతుంది. కావున లంబకోణ త్రిభుజం ఎత్తుకు పరిశీలకుని ఎత్తును కలపాలి (లేదా మొత్తం ఎత్తు నుండి తీసివేయాలి).